Si mi di èk in moune « sa i kout ar pa ou gran-shoz », lé possib mwin l’apiye dsi in bouton é an rotour lo moune i di amwin sak mwin la mark an-o la : pa gran shoz sé in bèl om ! é mi rapèl sak mwin la antann dan la boush in komik téi di konmsa : « Arien sé kékshoz pars i di bien mwinss ké rien. Arien sansa pa gran-shoz sa lé famiye dann nout panssé.

Pou kossa in bèl om ? Pars sa i pé koute aou plisské wi kroi. In bèl om ? wala in bone okazyon manké, é anpliss pou pa granshoz, in pyèr pou konstrui l’avnir zété, kékshoz ou lé riskab rogrété é lo rogré i vien touzour apré la mor.

Alé ! Mi kite azot rofléshi la dsi é ni retrouv pli dvan sipétadyé.

Justin