Konbien foi nou lé fine antann in kozman konmsa. Ni koné sa lé vré toulbon. Pou kosa sa lé vré ? Pars si ni ésèy pa, nou lé pa pou gagné.

Sa lé vré kan in garson i vé déklar son l’amour pou in fiy mé li gingn pa… alors lo fiy i fini par lès ali an plan. Sa lé vré kan ou lé dovan in bon l’okazionn travay : ou i oi sak i fo fèr, mé ou i fé pa. Tsiout, lo l’okazion i pas sou out né. Sa lé vré kan ou i amenn in konba : na in moman i fo fou lo kou fatal, ou i fou pa. Apré lé tro tar !

Kosa zot i anpans de sa zot ? Arien ditou ! Fé travay z’ot koko ! Fé bouy z’ot matyèr griz ! zot va oir si rant-rant ni tonm pa in pé d’akor rantre nou.