Lakey lo sit > Chroniques > Oté
« Pa kapab lé mor san ésséyé »
In kozman pou la route
zedi 16 novanm 2023, sanm
Médam zé méssyé, la sossyété, koz èk mwin sé koz èk in kouyon mé sé o pyé d’lo mir k’i oi lo masson.
Mézami oila in kozman mi panss li lé intéréssan é i étoneré pa mwin la pa promyé foi zot i antan sa : mwin mèm mi ansèrv sa tazantan, mi oi i di sa dann plizyèr radio konm in zé.
Astèr kossa ki vé dir pou vréman ? Mi panss sé in lankourazman pou tanté pars si wi tante pa toultan ou sar pou dir wi gingn pa. Si wi tante lé possib wi gingn-antouléka lé myé ké pa tanté ditou.
Alé ! mi kite azot rofléshi la dsi é ni rotrouv pli d’van, sipétadyé.
Justin
