Na d’moun, tout z’afèr, solon zot, zot lé pa kapab, é tout zot vi zot i pass a dir : « Moin lé pakapab ! Moin lé pakapab ! ". Afors dir sa, ébin zot i ariv pa pou vréman. Donk zot I pé pa avansé ! Si ou I oz, i pé s’fèr ou I réisi, pé s’fèr ou I réisi pa, mé si ou i oz pa zamé, lé sir ou I gingn ar pa zamé.

Moin la konète demoun tout kalité, dopi sak i kroi zot lé bon partou, an pasan par sak i pans zot lé pa bon pou fé arien Parmi sak i kroi zot lé bon, in pé la ansort azot. Parmi bann modèst i pans zot i pé pa réoisir, lo trépé la pa réisi pars zot la program azot pou l’éshèk. Mi domann amoin kosa zot i an pans zot zami léktèr ? Arien ditou !

Fé travay in pé z’ot koko, fé bouy in pé z’ot matyèr griz, zot va oir si rant-rant ni tonm pa défoi dakor rantre nou dsi la késtyon. Fé roulé Férèr !