Mi rapèl mwin té par-la dann klass sizyèm kan mwin la antann in travayèr dsi in bitassion gro blan la trouv in trézor. Kan la dmann ali kossa li vé, li la di : « mi vé in sharète avèk in bèf, pars trézor-la mwin la trouv sa par in kou d’azar.

Défoi in kou d’azar sé in kou d’shanss — kékshoz inprobab konm i di dann la lang bann franssé modèrn.

In kou d’azar wi pé gingn la lotri galman… Mi rapèl in ga maladroi, in kou d’galé la tyé in pizon ramyé alé oir dann son vi li l’avé zamé toush in sib.

Alé ! Mi kite azot rofléshir la dsi é ni retrouv pli dvan sipétadyé.

Justin