Ala in gran kèstion. Amoin Justin moin lé fatigé bronz in koté dann lanboutèyaz. Mon bra gos i respèk pi koulèr mon momon. La di i rouv la rout-an-kornis dési kat-voi. Lé déza tan. Soman nana ankor delo po boir avan trouv in bon solision po rout-là.

Nou koné sanson Michel, nout prins séga. La pa rienk li la pèr la rout-an-kornis. N’i admèt konm li. In morso kap par-là, ousansa un bèl blok mèm, tardra viendra i fo n’i vienbou trouv in klé, po ramass la vi bann rénioné, épisa arèt gaspiy larzan po sov in rout la pi lèr.

N’inpé i di : trass ali parkoté lo tramtrin. Pass par an-o, kit an plass an-ba. Nout lékonomi sora méyèr, pli gadyanm, pli kapor. Rénioné, lèr l’arivé po désidé, koman n’i aménaz nout téritoir. Rout Tamarin aou, Tramtrin aou, Park nout Foré aou, rézèrv nout Poison, soman lé lèr mèt rénioné an-plas. Komanss par done nout lavi !!

Justin