Mézami zot i koné kossa i vé dir parl an parabol : Jésus téi parl souvan an parabol donk rakonte in zistoir pou bien fé konprann sak li té vé dir kissoi avèk son bann dissip kissoi avèk demoune téi suiv ali partout. Ni koné sète « lo bon grin épi l’ivraie — zèrb defeu si azot i vé » osinonsa sète « lo bon samaritain ».

Mé dann noute kozman nou lé pa dann listoir sinte nou lé dann kozman kréol : in sèrtène fasson pou é pi pou fé bien konprann aou par sak lé o kouran é pa par lé z’ote. Alain Peters té i di li sé in « parabolèr » donk in moune i parl an parabol pou bien fé konprann sak li di.

Alé ! Mi kite azot rofléshi la dsi é ni artrouv pli d’vann, sipétadyé.

Justin