Mézami m’a dir azot franshman mwin lé pa sir ditou sak kozman-la i di lé bien vré. Pou koué ? Pars mi koné pa kossa lo paye-an-ké i oi, é kossa li oi pa kan li plane dann syèl. In n’afèr mwin la zamé antande sé k’in zoli zoizo konmsa l’ariv a pèrde son pti.

Touite fasson majine sa sé pèrde de vu lo sanss kozman-la. Pars sé in provèrb é k’in provèrb néna son sanss é sanss la sé ké ofiramézir in moune i grinpe dann la yiérarshi sossyal li fini par pi konète son bann konpatriyote.

Astèr lo bann konpatriyote zot ossi zot néna in provèrb pou li é li di konmsa : « opliss in sinz i monte an-o dann pyé d’boi, opliss i oi son déyèr, donk son défo si zot i vé »

Alé ! mi kite azot rofléshi la dsi é ni rotrouv pli d’van, sipétadyé.

Justin