Témoignages - Journal fondé le 5 mai 1944
par le Dr Raymond Vergès

Lakey lo sit > Chroniques > Oté

PCR : Alèrté par toute danzé i pèze dsi l’imanité. Inn voi sé t’inn voi mèm kan èl i kriye tousèl dann dézèr

mardi 16 novanm 2021, sanm Justin

Mézami, sak i di pèrsone lé pa profète dann son péi, li néna bien rézon, poitan noré dé danzé évité si l’avé gingn antande déssèrtènn voi… mèm déssèrtènn voi k’i kriye dann dézèr.

La dékolonizassion mal améné, mal ashévé :

Noute parti la touzour tire lo signal d’alarm dsi in késtyon inportan konmsa. Si i anparl bande léktèr noute zoinal Madégaskar, l’Alzéri, Lafrik di sid, Mozambik, Angola, Guinée Bissao, Vietnam, La Palestine, Bannzil komor... é d’ote é d’ote ankor, mi pé dire sa in bande péi, é sa in bande problème téi rante dann nout mézon avèk noute zoinal Témoignages épi la voi bande dirizan noute parti.

La ménass la guèrr nikléère :

Mwin lé sir zot i ansouvien lépok bande grande puissans l’avé de koi détrui lo monde plizyèr foi, si tèlman zot l’avé an stok bande bonb atomik épi thèrmo nikléère. Sak i fé ké noute péi épi noute zoinal té i fé antande son voi dann la lite pou la pé.

Si ni azoute ankore avèk sa : la fain dan lo monde, la sirpréssion démografik, lo danzé lo dérègloman klimatik, la dominassion a vnir la téknolozi pou la libèrté lé zome é d’ote sizé ankor konsidéré par nou-noute parti an promyère lign-konm danzé d’mor pou limanité… Arzoute avèk sa linpéryalism amérikin, la mondializassion ultra-libéral, ni oi bien toute danzé pou l’imanité, noute parti la anparlé é la nyabou tazantan avanss lé shoze.

Anparl lé shoze épi mète sa dann laktyalité... Pou sak i kroi pa mi invite azot ékoute Olivier Bancoult kan li anparl promyé konféranss do press li la fé dann por, par koté Paul Vergès, pétèt zot i pé avoir in méyère konpréanssion dé shoze.

(a suiv)



Inn modékri, inn ti lavi, inn komantèr ?

signaler contenu


Facebook Twitter Linkedin Google plus