Mwin lavé di k Marie Luce Penchard té sa èt akeyi par in ta d’moun. Bin navai’ zinstititèr, navé partizan, nava Robert, Lalande, mé navé poin la goch. A koz. Bin bana té vé pa kotiyoné se zafèr ke sa pa chanj riyin La Réuniyon : déklarasiyon dinteansiyon. Kosa sa ! Sa lé in dokuman di riyin é i fé riyn mé i di in ta. I di ke nou sa péyé la kontinuyité téritoriyal, alor ke lé la résponsabilité Léta. Mé minist la, i di sa èk le sourir, ek nou dwa di èl mersi. Mé, an fèt, lé grav. Parse ke èl i di pa si tram-trén té fé ou pa.
La kom’ kome band’na i apèl. Sa lé in zafèr la drwat i koné biyin. Navé Sarkozy "ensemble tout devient possible", li té di li lom du chanjeman. Ben li la un chanj in ta zafèr : réform, défisit, zistwar Èk la chine, son famn, son marmay, ... Didier Robert, a li osi lom du chanjeman "La Réunion en confiance". Bin la ! La konfiyans i gaigne pa. Li sa arèt tou’ chantiyé, li sa dilapidé nout larjan. Demin, Penchard sa coz ankor, puyi li sa repartir èk la satisfaksiyon ke li la fé pou La Réuniyon. Oté ou sa i sava le monde la.

 Justin