Témoignages - Journal fondé le 5 mai 1944
par le Dr Raymond Vergès

Lakey lo sit > Chroniques > Oté

« Pèrde lo tan pou gingn lo tan »

In kozman pou la route

mardi 24 out 2021, sanm Justin

Médame zé Méssyé, la sossyété, koze èk mwin sé koze èk in kouyon, mé sé o pyé d’lo mir k’i oi lo masson.

Mézami, lo tan mi panss sa i marshandize préssyé sa, pars si wi ékoute demoun ou va touzour antande azot an parl lo tan kissoi pou dire zot néna lo tan, kissoi pou dire va manke azot lo tan. I di ossi lo tan sé d’larzan é même si mwin la pankor koprande kossa k’i vé dire, ala ké mwin lé oblizé rande amwin konte lo tan sé in n’afèr inportan dann in sossyété konm la note lo moune i panss larzan sé la mézire pou toute zafèr...

Alor i fo gingn lo tan : gingn lo tan pou fé in n’afèr é pou prépare ali, gingn lo tan pou arive o bite. Toute fasson lo tan-la sa in dimanssion d’la vi. Alor, koman gingn lo tan ? Sirman i fo komanss par anpèrde pou fé in bon préparassion é sa i pèrmète alé vite : alé vite san konfonde vitèss épi préssipitassion.

Alé ! Mi kite azot fé zot prope rofléksyon dsu lo tan é ni artrouv pli d’van kan nou nora lo tan. Sipétadyé.



Inn modékri, inn ti lavi, inn komantèr ?

signaler contenu


Facebook Twitter Linkedin Google plus