Mézami, sa i rapèl amwin in zistoir kong do mèr. Mi rapèl in zour kèlk’in la kaz — nou té an vakanss bordmèr l’avé trape in kong. Pa in kong i manz pa, mé in kong bon-a-manzé épi l’avé kite sa dovan lo pa d’porte. Sé la ké mwin la fé léspèryanss nout kozman : mwin l’apiye avek mon talon dsi la ké, é mwin la romarke la tète kong téi bouz-bouz. Mwin la di sa bande pli gran mé zot la bien ri an dizan amwin : « wi oi pa kong la lé fine krévé ! ».

Mé oila, nou la obliye lo kong é kan nou la rode ali, li té fine baré, sirman filosh rante galé ziska la mèr lé pa bien loin.

Astèr alon obliye in kou zistoir kong pou roplonz anou dan la vi. Zot i koné dan la vi la, néna demoune i yème késtyoné é zot i panss trouv in vérité, trouv lo koupab si zot i vé, dann la réponss wi done pou zot késtyon. Par l’fète sa i rapèl amwin bande fime polissyé i pass dann télé..

Alé ! Mi kite azot rofléshi la dsi é ni rotrouv pli d’van. Sipétadyé.

Justin