Mézami, mi panss zot i koné kozman-la, pars mwin mèm mi koné ali é pa dopi in zour solman. Kossa sa i rapèl amwin par l’fète ? Sa i rapèl amwin koulèv, sansa kong dan la mèr, li dor an plass é wi diré li lé prèss mor, mé si wi mète lo pyé dsi la ké, toutsuite li filosh… si li lé vivan. Si li lé krévé ébin biensir li bouz pa.

Mi rapèl in zour in komi d’boushri l’avé tyé son patrone é li téi di non… la pa li, la pa li. In polissyé momandoné i di ali : « Mi domann bien koman ou la fé pou porte lo kor ziska l’androi demoune la trouvé. ». Lo ga la réponn, li la pa porté li la pouss dann brouète. Li l’avé trayi ali, é lo poliss l’avé pèz dsi la ké pou oir si la tète i bouz.-sé sak l’arivé.

Astèr, mi invite azot rofléshi la dsi, é ni rotrouv pli d’van, sipétadyé.

Justin