Médame zé Méssyé, la sossyété koze èk mwin sé koze èk in kouyon mé sé o pyé d’lo mir k’i oi lo masson.

Mi panss zot ossi zot i koné kozman-la, pars sa lé konu par in bonpé rényoné. Sanss prope, ni pé dire sé lo ka d’in koulèv, sansa d’in kong ki fé sanblan li lé mor, mé boudikonte li l’apré obsèrv son proi é si lo proi i porte pa antansyon lé fini pou li. Mé sanss figuiré sé koi par l’fète ? Sinploman ké wi fé in éstratézi pou dékouv la vérité. Sansa di lo fo pou dékouv lo vré. Lo pli gayar zistoir mi rapèl sé kan ronar i di dovan izangrin lo lou : « Kan nou lé mor, wi lèv lo pate anlèr épi wi fé waou ! ». Izangrin la fé é Ronar lo goupil la gingn lo tan pou shapé é sov son santé.

Alé ! Mi kite azot rofléshi la dsu é ni artrouv pli d’van. Sipétadyé.