Delo lapo gréné for dépi détroi zour. É la météo i anons la pa fini. Dizon n’artrouv solèy mardi. In kapiout la pli i tonm for minm si nout péi. "Lé pa in galfin," va di granmoun. Oté, si la pli i aranz anou po gonf nout rézèrv natirèl delo, oui lé doss. Soman, èk tout fanaz la poizon la fé La Rénion, koman sora nout tèr, dolo ? Ala la kestion.

André Yebakima, gran doktèr zinsèk, i anons anou, "delo i tié pa moustik". Alorss dawar i vé dir anou "nou sar gout ankor pli for minm Chikungunya, porézon moustik lapo gonn bann femèl". Astèr, fo dir ! nou konpran pi, nou vienbou pa fé arkil se maladi. Mèdsin i tonm malad, lopital i vienbou pi, la popilasion lé an danzé.

Oté ! ékout tout demoun, kisoi bann zéspèr tout kalité, sétaki bann politikèr tout parti, ousansa sirtou le pèp rényoné. Ansanm, n’a gingn kalbit ti moustik-là. Kass son zèl, moustik pigay va marsh atèr konm toulmonn.

Justin