(page 16)

Ke Lionel Jospin, lansien premié minis sosialis, lé pou lé “oui” sé son droi le plis’ absoli. Ke li reni son parol an kasan in rotrète politik li mèm la shoizi, pass’ ankor. Mé ke li vien, dann in rénion piblik, akiz bann partizan le “non”, alor-la sé tro !

Évidaman, mésié Jospin i parl dann "l’intérêt de l’Europe et de la France". Pou li, "sat i fé pou le “non” i abiz é i tronpe bann Fransé de gosh". A son plas’, i fo avoir in sakré toupé pou prétann parl ankor o non in pèp de gosh ! !

Li kroi, pétèt, de moun la fine oubli dèrnié zélèksion prézidansièl. Non sèlman - èk larogans’ abitièl le P.S. - li lavé mèt an plas’ lé kondision la défète ; mé, anplis - antank zénéral an shèf laltèrnans’ - li la abandone “son pèp de gosh” an plin Trafalgar ! ! !

Justin