Oté

« Plant patate pou rékolt patate, pa pou rékolt manyok »

In kozman pou la rout

Justin / 18 mé 2020

JPEG - 43.6 ko

Mésyé, Médam, La sosyété, koz èk moin sé koz èk in kouyon, mé sé o pyé d’lo mir k’i oi lo bon mason. Provèrb moin la mark an-o la, sa in provèrb La Rényon. Mi koné pa si zot la fine antann ali, mé son sans pou moin lé a popré klèr. Mi pans i vé dir sinploman si ou i fé kékshoz avèk in bi doné, ou i sava shanj de bit éolèrk in rézita trap in n’ot rézilta… normalman ! Sa i fé pans amoin in n’ot kozman moin la antann souvan, sirtou dann pèryod zéléksyon kan demoun téi di : kouv zèf poul pou gingn ti-kanar. : sa lé kont natir ! Mé konm l’avé in paké d’trikaz, bouraz l’irn, frode dann tan ébin téi ariv dé foi in drol rézilta. Alé ! Mi kite azot rofléshi la dsi é ni artrouv pli d’van. Sipétadyé !