Médame, zé Méssyé, la sossyété, koze èk mwin sé koze èk in koiyon mé sé o pyé d’lo mir k’i oi lo masson.

Mézami, mi panss sa sé in n’afèr lé plizanpli vré sirtou koméla. Pou kossa d’apré zot ? Pars koméla nou lé fine pran labitide ashté toute sak nou la bézoin dann komèrs é pou ashté dann komèrs i fo ou néna larzan. Astèr si ni désside plante nou-mèm sak nou la bézoin, ni fé zékononomi ; ni pé dépanss moinss sé pou sa ké lo patoi i di sak li di, i di wi fé larzan.

Plante sak wi manze la pa in kékshoze sinp mé si wi désside pou vréman kissoi dann oute zardin, kissoi dann zardin partazé, kissoi dsi oute balkon, ébin ou néna moiyin produi bonpé zafère é par la mèm ékonomiz oute larzan.

Alé ! Mi kite azot rofléshi la dsi é ni artrouv pli d’van. Sipétadyé.

NB Astèr-la ni sava dann sanss lotosifizanss alimantère.