Si tèlman é li téi parl déza abandone la kiltir kann.par raporte lo randman an poi lété pa sifizan, é mèm lo randman an sik lété pa non pli mirakulé. L’èrla pou li sa dèrnyé koup li va fé l’ané proshène amoins ké li abandone sète ané mèm.

Astèr mwin la ékouteJean michel Moutama dsu facebook é lo résponsab la C GPER, li mèm té pa tro optimist par rapor la plantassion kann.Promyé foi dopi dé zané é dé zané la Rényon nora in rékolt kann fèb konmsa- mèm pa la moiyène bande dis dèrnyé zané par-la 1,5 million d’tone alé oir l’ané 2019 la fé 1,7 million tone é près é million kéktan avan.

Mé si sa i dézèrpère bande proféssyonèl La Kane, Téréos lé an plène forme avèk in plus 35% sète ané par rapor l’ané dèrnyèr. Konm de koi la guèr la pa in mové zafèr pou toulmoune. Avèk kann Pa sur pars dsi son l’afish Téréos mi oi in gro prodikssyon bétrave.

Astèr toulmoune i rokoné kann sé in l’or vèr a vnir pou La Rényon -Kann épi toute bande sou-produi mé oila ni oi pa lé shoz avanssé é bande plantèr lé dézèspéré é ni oi pa noute l’or vèr fé la rishèss bande prodiktèr. Ankor in mové l’ané pou zot, mé pa pou téréos bien antandi.

A bon ékoutèr, salu.