Médam zé méssyé, la sossyété, koz èk mwin sé koz èk in kouyon mé sé o pyé d’lo mir k’i oi lo masson.

Mézami, koméla avèk toussa shomaj néna, bonpé d’moune i rode in plass travaye bordaz. Tan pi si pou sa i fo flate lé z’inn é lé z’ot. Tanpi si pou sa ou lé blijé domann siouplé é konm k’i diré lèsh in pé dan la min.

Forséman dann in péi mal dévlopé avèk in lékol mal adapté, travaye lé rar é la plipar d’tan li lé mal péyé… Lé vré in pé néna lo diplôme k’i fo épi la konpétanss k’ i konvien mé mwin la bien di in pé, alé oir bonpé i rèss atèr.

Alor, mi kite azot rofléshi la dsi é ni rotrouv pli dvan, sipétadyé.