Médam, zé Méssyé, la sosyété koze èk mwin sé koze èk in kouyon mé sé o pyé d’lo mir k’i oi lo masson. Kozman-la sa i sorte l’afrik, mé li pé z’ète vré pou ninporte oussa é bien sir issi La Rényon. Zot i koné bann lilète, sa lé dann boi la plipar d’tan, néna trépé d’moun i rèss la é la vi lé bien roganizé - koméla lé possib demoun néna moinss-an-moinss mé sof, lilète néna son plui, li néna son van, son solèye, son bitasyon, défoi son sours épi son ravine épi son bann zanimo. Donk li lé pa privé d’toute é li néna sak i fo pou la vi. Solèye i rogarde ali é sa lé inportan pou li, lé iportan pou la vi son band zabitan. Mi oi sirtou sa dsi lo poinnvizé lo droi : ou lé pti, mé ou néna out droi é sa sé in n’afèr i fo ni porte antansion toultan. Alé ! Mi kite azot rofléshi la dsi é ni artrouv pli d’van. Sipétadyé.