Médam zé Mésyé, la sosyété, mi pans si zot néna in laz zot i koné kozman-la. Pou kosa zot i doi konète sa ? Pars bann zanfan lontan lété plizoumoins okipé par in granmèr, sansa in granpèr é késtyon lédikasyon, lé rar lo bann paran lé touzour dakor avèk bann gran paran. Done pa marmaye bonbon konmsa ! Konbien foi té i antann sa dann bann mézon. lo zansien téi réponn kozman moin la mark an-o la. Poitan toulmoun i koné lé pa vré, mé i fo lo zansien i défann in pé son poinnvizé. La ni parl pa sink frui épi légime par zour-la i parl solman kontant la boush bann ti zanfan é lo bann ti shamo i koné bien flate zot granpèr granmèr pou gingn sak zot téi vé… Sa i fé souvnir pou zot kan zot va grandi é bann souvnir sirman sa la pa lo pli mové zafèr néna dan la vi. Alé ! mi kite azot rofléshi la dsi é ni artrouv pli d’van. Sipétadyé.