Pars zot i koné bien in pa dakor dsi manzé lé pa si fassil ké sa pou réglé. Granmèr i yèm done bonbon marmaye olèrk done kuiyèr luil pou boir. Bann papa i panss parfoi lo rézime alimantèr bann zanfan lé pa sak i dovré.

Mi rapèl in vyé lmadam, zantiye konm in pla lantiye é téi yèm done bonbon zanfan mèm si zot momon téi apréssyé pa bien l’afèr .L’èr-la èl téi di kozman mwin la marke an-o la pou dir i vo myé zanfan néna lo vante plin plito ké vide épi tanpir avèk kossa zot vante lé plin.

Poitan zordi ni koné lo manzé i doizète ékilibré é la syanss i amontre anou kossa i lé in ropa ékilibré.Sé pou sa mi souète demoune i rofléshi la dsi pars manzé sé la santé sansa manzé lé konte la santé é noute toute i koné sa zordi.

Alé ! Mi kite azot rofléshir la dsi éni reytrouv pli dvan, sipétadyé.

Justin