Ièr moin la parti fé tést mon san pou konét si diabèt i véy pa moin. Ek 0,76 gram do sik pou in lit lo san, moin té tonm lo boug lo pli gayar, malgré mon laz, obien gras mon laz. Fo pa kroir moin sé t’in boug i révéy ék in vèr d’rak kom mové lang i di. Non va.

Granmatin mi tourn dan mon marmit in réstan diné, sa i fé mon ri sofé kotidien. Mi krom ali minm tan mi lir mon “Témoignages”. Épi moin sé pa in boug i boir Fanta non pli.

Somanké moin na télman traka sa i bril do sik dan mon kor. Sé tan si sat i trakas amoin lo plis sé in not maladi : ou koné, Chikungunia... Komsa minm i ékri ? Sa lé plis diab ké lo diabét pou moin.

Zistin