Médame, zé Méssyé, La sosyété koze èk mwin sé koze èk in kouyon, mé sé o pyé ‘lo mir k’i oi lo masson. Mézami, zot i koné La Rényon-la, sa in péi kokass sa ! Avèk son kantité pti travayèr épi son kantité pti péyèr ! In pé i apèl sa travaye o noir, in pé i di sa travaye la klé. La klé i pèye toutsuite. Mé antansyon, si ou la donn out konfyans demoun lé possib kan i ariv pou péyé, i manke touzour in pti katsou pou fé in fran. L’èrla kissa wi sava oir ou la, avèk kissa wi sar s’plingn ? Souvan défoi, mèm Roland Garros i tire pa ou dann in sityassion konmsa, sirtou avèk son min dann son posh. Alor kossa i fé ? Lé sinp, i fo pa atann travaye lé fini, i fo domand in pti lavanss tazantan konmsa ou lé moinss pèrdan. Sé sa k’i apèl manz o pyé – mi manz avan la rékolt. Alé ! Mi kite azot pou rofléshi la dsi é i atrouv pli d’van. Sipétadyé.