Mézami souvan dé foi kan wi vé fé gingn in mouvman wi panss néna rézon, i ariv ké wi fouye pa tro lo lésplikassion, wi panss sa lé si tèlman vré ké la pa bézwin fèr in gran démonstration. Lé konmsa, pars i pézète ké konmsa é sirtou pa otroman. Mé wala in bataye zidé sa lé zamé gagné par ou toussèl mé par in mazorité d’moune - si ou na pwin la mazorité avèk ou wi gingn pa.

Zot va dir amwin akoz ? Mon réponss : i pé an avoir si tèlman zidé foss ké lidé vré li gingn pa trouv son shomin fassilman pou passé… Mi rapèl sak Desmond Tutu, pri nobel sid-afrik téi rakonte… in zour son papa téi ékoute ali diskité é konm li téi koz for la di ali sak mwin la marke an-o la é a partir d’zour-la li l’aprann diskite avèk passyanss pou fé pass son zidé.

Alé ! Mi kite azot rofléshir la dsi é ni rotrouv pli dvan, sipétadyé.

Justin