Poitan ni koné dopi in bon boute tan, sa la pa in fatalité pars néna kant mèm in trètman k’i pé pèrmète sov demoune par rapor l’anpitassion. Plizyèrsantène milyé d’moune la fine pran trètman-la é sa la done in bon rézilta… Lo trètman i apèl Heberprot é sa sé bann laboratoire laba dann Cuba la nyabou fèr in dékouvèrte konmsa.

Cuba ? Ni koné péi-la pars dann plizyèr domene la médssine zot lé an avans mèm par rapor bann péi dévlopé. Lo romède lé shé zot é dopi vintan a popré bann médssin péi-la i guéri d’moune — antouléka i rann pa l’anpitassion konm in solission fatal… Alor lé tro shèr ? I anparl mèm pa lo pri mé sinploman lo blokus lé Zétazini pou anpèsh in trètman konmsa pass la frontyèr épi soign in kantité d’moune malade avèk diabète.

In l’ané i sava fini é lo takon z’anpîté i sava ankor goumanté par santène, par milyé, par santène milyé sinploman par la krintiv bann péi kapitalist par rapor lo blokus amérikin… Alon koupé plito k’soigné. Alon koupé a ki myé-myé !

A bon antandèr salu.

Justin