Dépi lontan n’i antann « lo klima la po sanzé », « bann gaz CO2 la po étouf la planèt ». Oté, banna l’amont anou lègzanp. Itiliz vélo-là. lé vré nout péi na rienk la pant. Mé si nou vé pa nout péi i pran la pant, nou na intéré sanz nout mantalité, nout fason déplass anou. Lé koni, anou rienk loto. Loto tiné, loto eskinté, loto anboutéyé, loto bolid, i anpès anou respiré. Talèr, nout poumon nora rienk la sui. Kosa i fo fé ?

Rozman, nou nana in politik déplasman, in bon politik po rénov nout bann rout, in politikaz transpor va amèn po nou, lo Tram-trin. Lé doss, soman i fo atann ankor. Mèt sofo-solèr, mazine aou in kaz bio, i respèk la natir. Shakin son shakin, nana po fé po palank sitiasion. Konférans Nairobi l’amont anou ankor, apré Kyoto é konsor : nout planèt lé an danzé. Anou kosa nou la po fé ?

Justin