Biensir sa lété dann tan inn konm l’ot té i pass dsi fé d’boi, l’èr-la inn konm l’ot té i noirsi z’ot fonnman. Koméla i ariv ankor kan lo gaz lé mal réglé… Moin la di sa téi ariv lé dé. Alé oir na inn solman i kritik l’ot. Konm dann kozman : « Torti i oi pa son ké ! », é li pé ri sèt son kamarad pars li trouv sa ridikil, vèy pa.

Donk kosa sa i vé dir ? I vé dir, ou i oi défo lé z’ot é ou i oi pa la v’ot. Sa lé kouran sa koméla konm an tou tan. A ! Kréol i èm koz dsi son kamarad : i di li fé la-di, la – fé.. Sé pou sa bann provèrb i égzis : pou artourn demoun z’ot vérité zot i fé konm si zot la obliyé. Mi koné pa si zot i pans konm moin : pétète oui, pétète non. Tout fason, sa i amenn pa pou la vi d’apré.