Sa lé shagrinan pou nou k’i panss dopi dé zané é dé zané noute dévlopman lé possib. Li lé possib mé li lé pa la é toute bann voiyan o rouz i rèss dann rouz san rante dann vèr apré soissante dis névan d’départman franssé avèk in loi disnèf mars 1946 l’avé promète anou in l’avnir an roz mé ziska zordi sa lé pankor arivé.

Final de konte ni pran toultan in kou d’konplèks d’infèryorité pars ni oi si dann d’ote zandroi bann péi i dévlope shé nou lo dévlopman lé touzour bankal. Anpliss ké sa, pou sak la travaye épi la viv in pé déor, é k’i koné kossa i lé in péi dévlopé, koman lé dir aksèpt in sityassion konmsa… In sityassion i fé marsh aou an rokilan olèrk marsh an avan.

Wi san pa ou mète de ou mèm, wi san pa ou fyèr é opliss lo tan i pass, opliss wi di dann oute kèr dsi déssèrtin pwin d’vizé ou lé a dmandé kèl koté ou la tronpé, kossa k’i fé k’péi l’outre-mèr ou lé ankor konmsa zordi alé oir wi rèv dopi dé zané d’ète pli avanssé ké ou lé zordi. Antouléka la pa in sityassion pou f éplézir anou, noute zanfan épi noute pti zanfan.

Ou lé dékolonizé an aparanss, mé dann la réalité la dominassion kolonyal lé touzour la pou ral anou an aryèr ?

A bon antandèr salu !