Oté

« Poisson i oi pa lo zin li oi arienk lo lapa »

In kozman pou la rout

Témoignages.re / 23 out 2018

JPEG - 43.6 ko

Lé vré si poisson téi ropèr lo zin é si li téi konpran sa sé in n’afèr danzéré li nora pa fé trap ali. Pétète ankor, li nora rode in téknik pou évite lo danzé. Mi antan déza in pé apré di mi done bann poisson in lintélizans zot la poin pou lé shoz. Mé o-fon kisa i koné kosa in poisson i gingn fé é kosa li gingn pa fé. L’om i pans li lé tèlman sipèryèr ké li pran sak lé pa li pou moins k’arien. La pa tousa, mé l’èrla nou l’apré koz par raport in provèrb é provèrb-la li vo pou la sosyété imène é dann lo ka mi anparl lo provèrb mandchou i di, konm de koi, l’om lé fasiné par lo gain, mé li obliy lo danzé souvan dé foi. Alé ! Mi kite azot rofléshi la dsi é ni artrouv pli d’van. Sipétadyé !