Oté

« Poisson i oi pa lo zin, li oi arienk z’apa »

In kozman pou la rout

Justin / 13 zanvié 2021

JPEG - 43.6 ko

Médam, Méssyé, la sosyété koz èk mwin sé koz èk in kouyon, mé sé o pyé d’lo mir k’i oi lo masson. Mézami néna souvan pyèz dan la vi é wi oi pa zot, pars zistoman in pyèz bien fé wi oi pa li, pars li lé invizib. Dann tout zafèr néna in bon épi in mové koté : wi oi lo bon koté, mé wi oi pal o mové, si tèlman ké kan ou la fine fons dsi lo bon koté wi apèrsoi tro tar lo mové lé larzman pli inportan ké lo bon. Sa i fé panss amwin santyé dann karo kan : zot i koné kréol i yèm bien santyé. Sa i rakoursi shomin. Mé oila, désèrtin propriyétèr téi mète rakète dsou la paye é kan wi sote dossi, ou lé moungué, zépine i pran dann out dsou d’pyé é mazine lo rèst : ou la vi lo santyé, mé ou la pa vi lo rakète téi atann a ou. Alé ! Mi kite azot rofléshi la dsi é ni artrouv pli d’van. Sipétadyé.