Zot i koné, koméla, nout tout na konm mani d’alé pli vite. Mé, konm zot i koné, la pa si tèlman fasil. La prèv ? Kan la rout litoral lé fèrmé ou lé bloké partou. In pé plis, kome i di souvan dé foi, nou lé pa loin tonm dann lo koma sirkilatoir. Dann in ka konmsa, shakinn i sèy fouinté : koup par isi, arkoup par la-ba mé zot i koné sa lé pa touzour posib. Kréol i apèl sa koup par santyé ! Kan nana. Mé kan na poin ? Dann in ka konmsa i fo pa rode l’inposib. Donk nout kozman pou la rout I doi z’ète aranzé konmsa : ”Pou alé pli vite, koup par santyé, si néna !”. Si na poin, alé pa mète aou dann pyèj sar méyèr pou ou ; alé ! Ni artrouv pli d’van sipétadyé !