Oté

« Pou bien aprann, i fo fé bonpé l’érèr »

In kozman pou la rout

Justin / 19 désanm 2017

JPEG - 43.6 ko

Ou i aprann bien si ou i réisi, mé, fransh vérité ou i aprann myé kan ou i fé in bonpé l’éséyaz, é kan ou i rate plizyèr foi. Boudikont, i pé dir, in raté lé zamé pèrdi. Ou i aprann vréman a fon kan ou i réisi pa promyé kou. An pliské sa in bon l’amontrèr sé in moun la fé bonpé l’érèr pars shak l’érèr si i anprofite ali, i anprofite osi son bann zélèv. Moin l’apré kalkilé : la plipar d’moun i yèm pa bann tronpète, pars avèk zot ou i koné pa si i sava pa mète gidon la plas la sèl é vèrsi vèrsa. Mé, I paré, koméla, dann bann gran l’antropriz i fo ou i mark dsi out domann travaye tout sak ou la fé, mèm kan ou la mank out kou pou lo rézon moin la mark an o la. Alé ! Mi lèss azot réfléshi la dsi é ni artrouv pli d’van sipétadyé.