Oté

« Pou dévir palto li lé bien bon ! »

In kozman pou la rout

Justin / 13 avril 2018

JPEG - 43.6 ko

Mi ansouvin in zistoir mon papa téi rakont tazantan la kaz, kan zéléksyon té i tard pa arivé. I fo dir li l’avé in bonpé kamarad zéléksyon é dann l’androi nou téi arète l’avé in bon pti poigné d’moun téi suiv ali. Dé foi té i fé solman sanblan. Komansa ? Biensir ou i konpran bien kan in moun lé pa fran san poursan, kisoi li l’avé pèr la présyon, kisoi li té i aspèr gingn in kékshoz avèk lo mèr, kisoi pou in oui, pou in non la pèrsone lé an kolèr. Donk in z’ami d’zéléksyon i vien fé in tour la kaz é mon papa i anprofite pou d’mandé si la pèrsone i suiv ali ankor. Ala ké la pèrsone i réponn ali : « Konm par l’pasé, konm par l’pasé ! ». Alé oir èl té fine dévir palto. Alé ! mi lèss azot rofléshi la dsi é ni artrouv pli d’van. Sipétadyé !