Mézami zot i koné kozman mwin la marke an-o la sa in provèrb l’Afrik. Provèrb-la i amontre anou la pa solman dann son famiye - sass rédui — ké lo marmaye i gingn son lédikassion. Pou aprann la vi i fo ossi kamarade, i fo galman toute sak i konte dann in vilaz é néna demoune i konte dann in vilaz.

Néna bann paran mé néna ossi la famiye sans larz, néna bann résponsanb rolizyé, épi néna toute sak i fé la tradission dann in vilaz. Lo monde oksidantal i marsh pa konmsa li, lo moune lé individyaliss é i kass avèk la tradission, épi lé riskab an avoir in bonpé féblèss dann l’édikassion. Pétète sé sak ni oi zordi in pé partou issi mèm La Rényon épi in pé toute otour.

Pou mon par mi arète la, mé mi invite azot pou rofléshi sak lé marké an-o la é ni rotrouv pli d’van, sipétadyé.

Justin