(page 16)

La pa sakifo pou not portmoné. La kiltir nana son pri. Ala détroi i kri zot détroi ti modékri pou ésèy angant anou. Talèr, i riskab fé kroir anou le pri lé totalman sakifo pou la mizik. Oui, i pé fé dékouv nout zarlor, nout bann potomitan. Solman, nou lé oblizé rokonèt lé in pé tro shèr pou sak na poin tro larzan, i viv ziszis minm.

Minm in tiké kinz éro, la pa tout i gingn tir sa dan zot posh komsa. Nou argrèt pouvréman nana poin in pri pou bann san-travay, pou bann zétidian, bann ti-salèr.

Lé vré, lé inn shanss po la vil Sin-Lé. I gingn dormir, manzé, boir, fé la fèt. Toulmonn i profit pa tout se valèr. A ! po tou s’pri-là, sakifo, sé k’mi ékout bann konsèr desi le kap. M’aminn in ti kari poison. Épisa, mi vèy pangar. Sétaki la di Sakifo la pa transparan : m’a di ali vèy pangar. Port atansion. "Sheni galabèr pik ton dérièr..."

Zistin