Dann an la fé séga-la l’avé dmoune té analfabète é mèm déshif in mo lété la kroi époi la banyèr pou zot. Zodrdi i parl pi zanalfabète pou La Rényon, i parl zilétré é koman rokonète in zilétré avèk kélk’in k’lé pa, lé pa tro fassil.antouléka mwin pèrsonèl mi oi pa koman i fé.

Sak mi koné sé k’i parl touzour pliss san mil zilétré dann nout péi. Sak mi di sé k’lé pa for pou in péi la invante lékol piblik. Lé pa for non pli pou lo tan li la mète pou komanss done in plass la léktir dann kréol rényoné.

Wala pou kossa in ségatyé l’amiz son tana kass pti boi in sèrtin Kazimir mé o fon li téianparl pétète de li mèm.antouléka sé sak mwin la kroir dopi lontan.

Alé ! Ni arète tèrla épi ni retrouv pli dvan sipétadyé.

Justin