Matante Sélida la ékrir Justin :
Mon shèr nové, mon spès salté, m’a dir aou in n’afèr : koméla, kan vi promène dizon in pé dan lé o, sansa dan lé ba, si i ariv aou d’kass in ptit boutur d’riyin ditou, lé z’ome de gard i vien oir a ou épi vou lé bon pou in prosé vèrbal, é pa rienk dé katsou sa va koute a vou. Alor, moin la di le blan-bèk té i sort mark amoin k’li poura viv san t’an, li gingn ar pa plant tousa flèr moin la planté. Moin la di ali ossi k’lé pa joli d’mark in vié moun, é vot momon noré pa été fièr d’vou !

Justin la réponn aèl :
Mon vié matante, mi demann amoin si vou la pri le tan ékout lo moun vi apèl le “blan-bèk”, akoz si vou l’avé pri la pène ékout ali, vou nora konpri pou kossa nana déssèrtèn plant i fo pa détruir, i fo mèm pa diminié akoz zot lé an danjé. Matante, vi koné nana inn-dé plant nana riyink La Rénion, d’ot landroi na poin. Vi konpran pa k’i fo protèj patrimoine l’imanité ? Non ! I fé pa l’èr ! Sé pou sa k’tazantan, i mark in pé d’san konprann.

 Justin