D’apré sak li di, li avèk d’ote la ésèye plizyèr varyété d’ri é an parmi néna inn l’avé in bon randman : téi pé trape ziska 12 tone par éktar plin shan-sa in randman drolman bon. Arzoute èk sa dopi lo somaze ziska la rékolt i fo konte rant 90 épi 120 zour : do koi fé 2 rékolt dan l’ané é lèss la tèr lo tan k’i fo pou ropozé an plantan voème sansa d’ote kalité kiltir, mèm san plante arien.

Mézami ni pé anparl sa in n’ot zour si zot i vé mé ala kékshoz mi di toute band rényoné i vé dévlope zot péi : Antansyon lanspèk Marmaye ! Pars inn foi bande gro lobby – ni pé dir bande kontoir – la antand bande plantèr la fé in n’afèr sèryé konmsa, zot la désside bèss lo pri d’ri ziska 50 santime lo kilo. Assé pou dékouraz lo plantèr épi bate lo projé atèr.

Sé pou sa ké nou rényoné si ni vé dévlope nout péi, i fo ni méfyé lanspèk, pars lé tro fassil pou bande gro konmsa pou koul in pti é san pran pityé pou pèrsone. Ala pou kossa i fo nou néna lo moiyin ziridik pou anpèsh bande loddy mal azir..blok azot épi anpèsh azot fé zot mové kou

A bon ékoutèr, salu !

Justin