Oté

« Poul dann la kour mon voizin lé konm bèl-bèl zoi »

In kozman pou la rout

Justin / 22 févrié 2017

Zot i koné lé touzour konmsa pou désèrtin moun : zot i abès sak zot nana épi zot i goumant sak i apartien lé zot. Lo voizin lé rish é zot nana arienk in pti monéé. Konm provèrb fransé i di : zèrb lé touzour pli vèr dann la kour lo voizin. Mi koné mèm demoun nana bon-bon travaye i anvyé bann RSA pars soidizan i pèy pa arien. Souvan mi pans, é dé foi mi di demoun sak l’apré souplégné, zot lé pa dann la posh lé zot, zot i rosoi pa rolvé d’kont z’ot voizin, sousi ou nana poin pétète l’ot nana. Mé na poin arien a fèr pars tanpèrman lé konmsa. Kan ou lé mal soufran ou lé mal soufran. Alé ! mi donn zot tout mon bonzour é ni artrouv pli d’van sipétadyé.