Oté

« Poul kan lé faye mèm papang I atak. »

In kozman pou la rout

Justin / 13 séptanm 2018

JPEG - 43.6 ko

Zot I koné néna désèrtin moun I yèm rakont z’ot maléré sor. Zot I rakont avèk l’inn, avèk l’ot, mèm dann radio zot I difiz. Di pa zot out pyé I fé mal, zot va réponn aou zot dé pyé I fé mal. Di pa ou néna késhoz dann pyé kèr, zot néna doulèr partou. Pétète sa I pé rékonfort azot in pé. Pétète zot I trouv in konsolasyon la dan. Moin pèrsonèl mi profèr fé anvi k’pityé é pou sa ou lé pa oblizé rakont mantèr, mé solman gard out afèr pou ou. An pliské sa, mazine aou ou I souf sa dann zorèy in abizèr, li va trouv touzour in n’afèr pou tire : zot v’alé dann out sans épi si néna in n’afèr pou grate zot I mank ar pa. Alé ! Mi kite azot rofléshi la dsi é ni artrouv pli d’van. Sipétadyé !