Sa sé in kékshoz k’i bote amoin pou vréman. Akoz sa ? Pars moin la fine konprann dopi lontan, si ou i gingn pa réspèk in sèrtin sogré é bin lé shoz i gate pou ou, pa zordi pa domin, mé apré-domin. Pars zot i koné bien néna dé shoz i fo dir, na dé shoz i fo s’an pasé d’dir. Tro dir sé donn demoun do boi pou tap out rin. Pa di rasé, sé fèr konprannn ou i fé pa konfyanns é ou lé pèrdan dann in zé konmsa. Pou arvir dsi lo poul : li ponn épi mèm l’androi li komans kakayé. Si tèlman ké son z’ènmi é mi mète la-dan demoun i débisk son ni an vitès épi i vol son z’èf. Alor mi pans i fo zot i méfyé ! oin osi biensir ! Alé : ni artrouv pli d’van !