Médame, méssyé, la sosyété, koze èk mwin sé koze èk in kouyon, mé sé o pyé d’lo mir k’i oi lo vré masson. Mézami, kozman mwin la marke an-o la, mwin la antande sa é pa arienk in kou par la boush mon papa téi fé lélvaz volaye-pondèze. Kan li té i di sa té dann tan in poul téi ponde dokoi fé in in sinp kouvé in vingtène zèf par-la épi li lé paré pou kouvé é pou arète ponde. Mé dann tan-la nou la par aprann dann déssèrtin péi, in poul i ponde o moinss troisan zèf dann in n’ané él’ané d’apré ankor bokou mé moinss. Donk kan li té i di sa, téi falé konprann poul-même bande kalité lé prévi é kréé pou ponde – i ponde an rézon d’sak li manze, an kalité épi an kantité. Donk i fo pa donn ali manzé an pirate mé an kèr zénéré. Lété lo komansman lélvaz indistriyèl bande vomaye konm i fé komla. Alé ! Mi kite azot rofléshi la dsi é ni artrouv pli d’van. Sipétadyé.