In kozman pou la rout

« Poz sink, lèv sis, sa i apran pa dann katéshis »

3 out 2016, sanm Justin

Rozman i aprann pa sa dann katéshis a moins dann katéshis volèr épi bézèr d’paké. Pou kosa ? Pars ni oi bien sa in téknik pou grosi son ta l’arzan lo pir fason ké nana, an roulann moun dan la farine. Romark, kan i zoué kart lé konmsa galman : ou i fé in miz épi ou i fé sa pou ramas pliské sak ou la pozé . Antansyon, lo zé osi na poin son plas dann katéshis pars lo zé d’arzan la pa in n’afèr la rolizyon katolik i rokomann pou vréman. Mèm prète l’arzan pou ankès lo z’intéré, la pa in n’afèr tro katolik. Mé konm in vyé profésèr té i di : nana la lète, épi nana l’éspri. Sak lé défandi par la lète, souvan dé foi, l’éspri i pèrmète. Mé mi arète la, pars mi koné pi tro dann ékèl filozofi moin l’apré mète amoin. Alé ! Mi lès azot kass z’ot koko la dsi. Ni artrouv pli d’van.

Padport

Signaler un contenu

Inn modékri, inn ti lavi, inn komantèr ?


Témoignages - 80e année

La pès kabo

5 juillet, par Christian Fontaine

Kan i ariv Novanm-Désanm-Zanvié, domoun i réziste pi ek la salèr. Zène-zan i mars dann somin, zène-fi i roul an dékolté ; sétaki i rod in manir po (…)


+ Lus