Mézami mwin lé sir zot la fine bien rogarde demoune apré zoué karte dann shomin, dovan la gar osinonsa an atandan lo kar. Mi rapèl in zé té i apèl « karte rouz karte noir » é néna dé foi demoune téi fé trape azot ladan. Sak i fé trape ali i fé pityé, mé lé inpossib gagné avèk demoune konmsa.

Dizon zot lété antréné pou zoué bann zé konmsa é biensir si zot té antréné la pa dann katéshiss zot téi aprann sa mé rante demoune mal fondé, bann pti lékipe antréné pou roul demoune dann la farine.

Koméla i fé pi tro sa sansa pétète dann tripo mi koné pa, mé sèl zafèr mi di sé k’i fo méfyé : lo gagnan sé lo malfondé. Alé ! ni artrouv pli dvan sipétadyé.

Justin