Mézami mi koné pa si zot la fine antann kozman-la dan la vi, sansa si zot la fine lir sa par-la dann in zoli liv provèrb. Lo sans, mi pans i éshape pa zot : sé lo ka déssèrtin i rode touzour gagné san forsséman réspèk la moralité.

Konm dabitide si néna in mazorité d’moune onète, néna kant mèm inn-dé filou rante-rante. Konm i di souvan défoi, néna touzour inn-dé grin d’bébé dann panyé mayi mé soman in tmate gaté i gate lo panyé. In zour mwin la antann dir, dann in péi loryan néna d’moune la mélanz do ri avèk bann grin an plastik é konm zot i konpran sa i fé pa l’afèr.

La vi sé la vi é dé shoz komsa i ariv ni souète lo moins possib… Mi kite azot rofléshir la dsi é ni rotrouv pli d’van, sipétadyé.

Justin