Moin nana in kamarad konm li di li mem, li vé lo bien pou lo pèp. Moin ki koné ali, mi pans li di la vérité. Solman em lo pèp i vé pa di ou la invant lo tièd. Franshman vérité mi pans pa li la invant in nafèr konm sa.

Donkalor, in zour li la pou ékout in radio, li antann in moun di i fo trap larzan pou fé la mézon dé sivilizasion, vèrs sa si lo kont la rout an kornis. Apré lo boug lé fir konm rataban (rataban-la i vé di vantar), li mazine li la invant zèf bouyi.

Alor, mon bon kamarad i di,dann son kèr, ala in nafèr lé bon pou d’bon : li di, li sar di sa toulmoun konmsa, lo problèm la rout an kornis la fine réglé, vik sé, in pé i di, rienk in problem gro-sou.
Li kozkoz in pé la boush rouvèr ziskatan li tonm si in komik i di ali konmsa : « Oté, vié Fra ! la rout an kornis i kout in milliard sa, la mézon dé sivilizasion i kout soixante million. Out kalkil la pa bon, pran in pti masine pou konté.
Finn’kont i fo pa kroir bann mantèr, ansanm bann moun boushé konm avèk in boushon. »

Justin