Médam zé méssyé, la sossyété koz èk mwin sé koz èk in kouyon, mé sé o pyé d’lo mir k’i oi lo masson.

Mézami si mi tronp sa in kozman i antan souvan la Rényon . Kansréti sou son form : « done in pyé, i pran in karo ».

Pars lé vré issi shé nou lé pa rar demoune i pran la bonté pou l’obligassion, in sinp favèr pou in droi établi .Mé boudikonté sa sé lo roflé d’in sossyété inzist é tro inégal : lo priviléjyé i panss demoune lé assisté , é bann moune an ba, zot i konpran pa k’i fo toultan s’anplégné pou sinploman in droi normal. Zanfan i plèr pa i gingn pa tété...

An finn konte, ni pé rofléshi la dsi é lé inportan rofléshi.Ni rotrouv pli d’van, sipétadyé.