Oté

« Pran la bonté pou l’obligasyion »

In kozman pou la rout

Justin / 5 octob 2018

JPEG - 43.6 ko

Zot i koné kosa i lé lo mémoir d’famiy ? Dizon sa in vyé fon kiltirèl i aprtien lo famiy. La-dan néna kozman, néna zistoir, néna lézann in pé mantèr souvan dé foi, néna osi lo pti listoir d’famiy akomodé avèk in sos pou rann pli gloryé sak lé moin, pou rann éroïk sak pétète lé pa. Donk dann mon mémoir d’famiy néna listoir in gran lansien lété ménuizyé kék par laba la Ptitil. Donk in zour in moun-par l’fète in vy é kamarad-i komann ali in pti tabouré é i domann ali konbien i pé fé ali sa. Lo gran lansien i réponn : « Pou ou lé gratuit ! ». L’ot i arvir ali : « Bin si lé gratuit, fé dë ! ». Ala zistoir in moun téi pran sirman la bonté pou l’obligasyon. Moin lé sir, zot osi, dann z’ot fonn tète néna zistoir konmsa. Alé ! Mi kite azot rofléshi la dsi é ni artrouv pli d’van ? Sipétadyé !